广末凉子被评没星味！

(9月8日18:25)

　　深宵逛便利店广末凉子被评没星味

　　广末凉子近期确实清闲，要不然点会成日自己去行街呀！　　

　　据中文娱乐网报道，早前广末凉子过香港一趟，仲大摇大摆咁到处逛，估唔到佢返到日本都唔例外，一样咁得闲单拖周围逛。

　　寻日日本某娱乐网页报道，有人目击广末凉子深宵独自夜游便利店同CD铺，当时戴上帽及眼镜佢，样貌平凡到不得了，故途人们都认唔出佢就系广末。

　　其实类似个案早已发生过，好似暑假期间，广末凉子就现身于三轩茶屋一间CD铺内，最惨就系目击者同样指佢毫无星味，冇人理，莫非广末受欢迎程度真系跌到落谷底？

　　姑勿论广末凉子人气跌几多，总之佢就系大输家，因为有传前度男友伊势谷友介同佢拍拖，目的只为利用广末上位，如今人又冇，事业与学业也受影响，工作买少见少之际，似乎佢亦系时候搵番个伴行街购物，以免再被人话佢单拖逛街都冇人吼啦！